मुग्लिन । राष्ट्रिय  स्वतन्त्र पार्टी(रास्वपा)का सभापति रवि लामिछानेलाई मुग्लिनमा कालाे झण्डा देखाईएकाे छ ।

आज चितवनका सहकारी पीडितहरूले रास्वपाका सभापति तथा चितवन क्षेत्र नम्बर–२ का  सांसद् रवि लामिछानेलाइ कालोझण्डा देखाएका हुन् ।

आफ्नो निर्वाचन क्षेत्रमा तेस्रो सार्वजनिक सुनुवाइ कार्यक्रममा सहभागी हुन मुग्लिन आएका लामिछानेविरुद्ध नाराबाजी गर्दै सहकारी पीडितले कालोझण्डा देखाएका हुन् । सार्वजनिक सुनुवाइ सकेर फर्किने क्रममा लामिछानेलाई मुग्लिन बजारमा सहकारी पीडितहरूले कालोझण्डा देखाईएकाे हाे  । सहकारी पीडितहरूले सहकारी ठग मुर्दावाद, सहकारी पीडितलाई न्याय दे, हाम्रो समस्या समाधान गर जस्ता नारा लगाएका थिए ।

नाराबाजीका बीच प्रहरीले लामिछानेलाई सुरक्षा दिएर आफ्नो गन्तव्य तर्फ पठाएको थियो । प्रदर्शन लगत्तै प्रहरीले कालोझण्डा खोसेको थियो।  चितवनमा साहारा चितवन बहुउद्देश्य सहकारीबाट करिब १३ करोड बराबरको रकम गोरखा मिडियामा गएको छ । उनीहरुले पटक–पटक रविलाई भेट गरेर समस्या समाधान गर्न आग्रह गरे पनि बचत फिर्ता पाएका छैनन् ।