राैतहट । रौतहटमा एक विद्यालयका प्रधानाध्यपकमाथि गोली प्रहार भएको छ । रौतहटको चन्द्रपुर नगरपालिका– १ स्थित मकवानपुरको सीमामा उनीमाथि गोली प्रहार भएको हो । अज्ञात समूहले चलाएको गोली लागेर मकवानपुरको हात्तीसुने माविका प्रधानाध्यापक प्रेम लामा घाइते भएका छन् ।

अज्ञात समूहले प्रधानाध्यापक लामामाथि गोली प्रहार गरेको थियो । रौतहटको चन्द्रपुर नगरपालिका– १ बाट मकवानपुरको राईगाउँ जाने सडकमा पर्ने जोगीखोलाको मुहानमा प्रधानाध्यापक लामामाथि अज्ञात समूहले गोली प्रहार गरेको थियो ।

दाहिने गालामा गोली लागेका लामाको उपचारका लागि स्थानीयले एम्बुलेन्स बोलाएर वीरगञ्ज पठाएको चन्द्रपुर– २१ का स्थानीय समीरबाबु कार्कीले जानकारी दिएका छन् । गोली चलेको स्थानमा अहिले प्रहरी चौकी पौराहीबाट प्रहरी सहायक निरीक्षक कुन्दन सिंहको नेतृत्वमा टोली गएको स्थानीय बासिन्दाले जानकारी दिएका छन् ।