नेकपा एमालेले कीर्तिपुर नगरपालिकाको प्रमुख (मेयर) का लागि डा. सुरेन्द्र मानन्धरलाई उम्मेदवार बनाउने निर्णय गरेको छ । एमाले केन्द्रीय सदस्य समेत रहेका मानन्धर मेयरको उम्मेदवारको लागि सर्वसम्मत सिफारिस भएका हुन् ।
यसअघि राष्ट्रिय प्रजातन्त्र पार्टीले कीर्तिपुर नगरपालिकाको मेयरमा ध्रुव महर्जनलाई उम्मेदवार बनाउने घोषणा गरिसकेको छ । राप्रपा अध्यक्ष राजेन्द्र लिङ्देनले कीर्तिपुरमै आयोजित पार्टीको कार्यक्रममा महर्जनलाई उम्मेदवार घोषणा गरेका हुन् । महर्जन पेसाले इन्जिनियर हुन् ।
सोही कार्यक्रममा उनले वडा नम्बर १ को वडाध्यक्षमा सुरेन्द्र उप्रेती र वडा नम्बर ४ को वडाध्यक्षमा विशेष बस्नेतलाई उम्मेदवार बनाउने घोषणा पनि गरेका थिए । कीर्तिपुरमा नगर प्रमुख (मेयर) र २ वडाध्यक्ष पदका लागि मंसिर १६ गते उपनिर्वाचिन हुँदैछ । उपनिर्वाचनको मिति नजिकिंदै गएसँगै दलहरुले उम्मेदवार घोषणा गर्न थालेका छन् ।
प्रतिक्रिया दिनुहोस्