काठमाडाै । हरेक व्यक्ति आफ्नाे सफलतामा रमाउँछ । सफलतामा रमाउने मात्र नभई साथी भाइ- आफन्तसङ्ग खुसी साट्न चाहन्छन् ।कसैका लागि त्यस्ताे सफलताकाे खुसी साट्ने समय पनि हुँदैन । हाे, यस्तै भएकाे छ -पाँचौ मिस्टर काठमाडौं शारीरिक सुगठनका विजेता प्रकाश राईका लागि । उनले आफ्नाे सफलताकाे खुसी साट्न नपाउदै सदाका लागि अस्ताउन पुगेका छन् ।
गत शनिबारमात्र शारीरिक सुगठन प्रतियोगितामा स्वर्ण जितेका ४५ वर्षीय उनको हृदयघातका कारण बुधबार बिहान निधन भएको छ ।
स्वास्थ्यमा समस्या भएपछि तत्काल धापासीमा रहेको ग्रान्डी अस्पताल पुर्याइएको थियो । तर, उपचारका क्रममा उनको निधन भएको अस्पतालले जनाएको छ ।
मोरङको पथरी १ घर भएका राईले ७५ केजी माथिको तौल समूहमा प्रतिस्पर्धा गर्दै पछि ओभरल भिडन्तमा मिस्टर काठमाडौं जितेका थिए ।
प्रतिक्रिया दिनुहोस्